94. PERKARA TAUHID

ilmu Tauhid sunda

بسم الله الرحمن الرحيم

PASLUN :

Ari hartina Tauhid eta aya dua bagian

Ka hiji Harti tauhid ceuk lughot tegesna ceuk terjemahan bahasa : nyaeta sakur-sakur nyaho kana perkara kanyahoan nana eta perkara ngan sahiji.

Kadua Tauhid Ceuk istilah tegesna Tauhid anu dimaksud : eta kabagi dua bagian :

a.       Kahiji Tauhid ceuk istilah pan Ilmu Tauhid , ilmu kalam : nyaeta

علم يقتدر به على اثبات العقائد الدينية مكتسب من أدلتها اليقينية

( ilmun yaqtadiru bihi ala istbatil aqo'idi diniati muktasabun min adilatiha al yaqiniati )

Hartina : hiji elmu anu matak bisa netepkeun kana aqidah agama islam kalawan dihasil tina dalil dalil na eta aqidah tegesna tanda bukti anu yaqin.

b.      Kadua Tauhid anu dimaksud dina syareat agama islam : nyaeta

افراد المعبود بالعبادة مع اعتقاد وحدته والتصديق بها ذاتا وصفاتا وأفعالا : اهـ :  الجوهرة التوحيد  ص  8

( Ifrodul ma'bud bil ibadati ma'a tiqodi wahdatihi watasdiqi biha zdatan wa sifatan wa af'alan )

Hartina : ngajadikeun hiji sembahan pikeun disembah sarta nekadkeun anu disembah eta ngan sahiji dina zdatna, dina sifatna, jeung dina padamelan nana.

PASLUN :

Ari babagian tauhid sakumaha kasauran Imam Ghojali eta aya opat perkara : ari tauhid anu mimiti anu dua tinu opat perkara eta lapisan bungkus tauhid – ari tauhid anu dua paneuri eta tauhid anu sajati tauhid anu dimaksud dina ajran para Nabi dina ajran syareat Islam

Hartina : Tauhid  anu ka hiji ka dua eta syarat Tauhid, - Tauhid anu ka tilu ka opat eta Tauhid anu sabenerna – tauhid hakekat tauhid:

Ari tauhid anu kahiji : anu jadi syarat kana tauhid nyaeta Tauhid ku lisan : tegesna ikrar dua kalimah syahadat jeung ngajauhan pembatalan nana.

اشهد ان لا اله الا الله وأشهد ان محمدا رسول الله

Hartina : abdi yaqin teuaya pangeran anu hak di sembah kecuali wungkul gusti Alloh – jeung abdi yaqin saenyana nabi Muhammad eta utusan Alloh.

Tauhid anu ka hiji iyeu tauhid anu ngaruag pengakuan ayana pangeran salian gusti Alloh, anu ngaruag pengakuan ayana pangeran leuwih ti hiji anu ngaruag pengakuan teuayana pengeran.

Tauhid anu ka Hiji iyeu lamun teu dibarengan ku tauhid anu ka dua tegesna ( heunteu dibarengan sarta percaya kana eusina ma'na dua kalimah syahadat ), anu kitu Munafeq  ngaranna. Henteu aman tina pipilueun miluan aliran sesat.

Ari anu ngabatalkeun kana tauhid anu kahiji iyeu nyeta : ngaku hentu aya pangeran atawa ngaku aya pangeran salian Alloh atawa ngaku pangeran leuwih ti hiji.

Bagian tauhid anu ka dua : nyaeta ngaku jeung narima kana ma'na anu dikandung ku dua kalimah syahadat – ari ma'na anu dikandung ku dua kalimah syahadat sakumaha kasauran syekh nawawi dina kitab Riyadul badi'ah : nyeta sifat sifat Alloh anu dua puluh sarta lalawanan nana - jeung sifat sifat para Rosul anu opat sarta la lawanan nana. Jeung sifat anu jaij di gusti Alloh jeung dipara Rosul

Tauhid anu kadua iyeu tauhid anu jadi sabab kana salametna jlema tina kabawa kana kapercayaan kapercayaan anu nyimpang tina agama islam.

Tauhid anu kadua iyeu lamun teu dibarengan ku tauhid anu ka tilu jelemana encan aman tina gumantungan ka salian gusti Alloh, henteu aman tina ngalajur hawa nafsu , henteu aman tina bingung ku salian gusti Alloh , henteu aman tina ngaharepkeun  ka salian gusti Alloh ,henteu aman tina ngawaro kasalian gusti Alloh, henteu aman tina ibadah henteu karena Alloh .. jeung sajaban tina sagala rupa perkara anu tejadi ngahubung ka gusti Alloh.

Ari bagian Tauhid anu katilu : nyaeta ngarumasakeun sagala rupa perkara kajadian nana wungkul bisa kajadian kunu midamel sabab lain ku sabab na – hartina sagala rupa anu kajadian eta wungkul ku gusti Alloh anu midamel sabab lain kajadian di jadikeun ku eta sabab :

·         Conto ka hiji :  saperti baseuh sabab kahujanan, tah eta baseuh lain ku sabab tegesna lain ku hujan tapi ku gusti Alloh lantaran gusti Alloh anu kawasa , anu midamel sabab , anu midamel hujan.- ari hujan teu boga kawasa kana naon naon lantaran hujan sakadar benda anu di damel kua Alloh kalawan jadi benda mati.

·         Conto kadua saperti mang alpuket anu meunang santunan ti mang salak – tah mang alpuket eta meunang santunan ti gusti Alloh, lantran mang salak mah sakadar benda anu teu daya teu upaya nu jadi muncul didamel ku gusti Alloh kalawan didamelna di jadikeun benda hirup , jeung benda anu dipake santunan ku mang salak, eta oge damelan gusti Alloh – lamun gusti Alloh henteu midamel maka moal aya naon naon anu bakal katarima ku mang salak.

·         Conto ka tilu mang salak meunang rizqi sabab dagang – tah mang salak eta meunag rizqi tinu midamel sabab lain tina sabab – lantaran mangsalakna damelan gusti Alloh , masyarakat anu baralanjana damelan gusti Alloh, barang anu di dagangkeun nana damelan gusti Alloh – lamun gusti Alloh teu midamel maka mang salak moal meuanng naon naon

·         Conto ka opat : mang Alpuket terhormat di masyarakat jeung di agungkeun ku jalma jalam – tah anu ngagungkeun jeung ngahormat mang alpuket eta gusti Alloh – lantaran mang Alpuket damelan gusti Alloh, masyarakat damelan gusti Alloh – perkara anu matak kataji masyarakat anu aya di mang alpuket eta oge damelan gusti Alloh ,- lamun gusti Alloh hentu midamel maka mang Alpuket henteu aya nanaonan.

Lamun gusti Alloh teu midamel soca teu midamel cepil teu midamel otak , moal aya jalam terhormat ku kapinteran – lamun te midamel tatangkalan jeung benda benda aan moal aya jalam beunghar moal aya jalam terhormat ku kakayaan, moal aya jalam gagah.

Lamun gusti Alloh teu midamel benda lain salian jelema eta oge moal aya jelema anu disebut pinter – lantaran jelema disebut pinter soteh kusabab loba faham kana benda lain diluar jelema .

Tauhid anu katilu iyeu  tauhid anu jadi sabab jalma geude rasa tumarima ka gusti Alloh - tauhid anu jadi sabab jalma tawekal ka gusti Alloh  hartina gumantungan wungkul ka gusti Alloh teu gumantungan ka sasaha deui – tauhid anu ngajadikeun  sabab jalma henteu miharep kucali wungkul ka gusti Alloh – tahuid anu jadi sabab jalma henteu bing-bang ku salian gusti Alloh – tauhid anu jadi sabab jalma ngawaro ka gusti Alloh , moal ngawaro ka sasaha deui lamun teu dipiwarang ku gusti Alloh -, moal ngalaksankeun panitah makhluk atawa kahayang mahkluk lamun hentu dimeunang keun ku aturan gusti Alloh , – tauhid jadi sabab jalma daek ngalaksankeun ajaran Rosululloh syareat Islam.

Tauhid anu ngabuahkeun :

افراد المعبود بالعبادة مع اعتقاد وحدته والتصديق بها ذاتا وصفاتا وأفعالا :

( Ifrodul ma'bud bil ibadati ma'a tiqodi wahdatihi watasdiqi biha zdatan wa sifatan wa af'alan )

Hartina : tauhid anu ngajadikeun nyembah wungkul ka gusti Alloh sarta panceg kayaqina Alloh sahiji zadtna, sifatna, jeung padamelan nana.

Tauhid anu katilu iyeu tauhid setiap ngalirik kana sagala rupa perkara kasaksian eta sagala rupa perkara wungku kajadian ku gusti Alloh. Ngalirik loba perkara kabeh kajadian nana wungkul ku Alloh.

Tauhid anu katilu iyeu lamun teu dibarengan ku tauhid anu ka opat henteu aman tina ngalirik salian gusti Alloh.

Ari bagian tauhid anu ka opat : nyaeta Tauhid anu teu ngalirik salian gusti Alloh sanajan loba perkara .

Tauhid anu teu ngalirirk loba perkara – tapi wungkul ngalirik gusti Alloh.

Tauhid anu ka opat iyeu wungkul tiasa di carioskeun namina wungkul .. Tauhid anu kapirandapan ku jalmi jalmi pilihan gusti Alloh – saha jalmi anu kengeng anugrah tiasa ngarandapan tauhid anu ka opat iyeu haram nyarioskeun nana kabatur.

FASLUN :

Ari tauhid anu wajib dilakukeun ku jalma mukallaf eta wungkul tauhid anu ka hiji anu nyalametkeun tina hukuman kafir jeung murtad – jeung tauhid ka dua anu nyalametkeun tina pipilueun milu aliran sesat, aliran bid'ah, aliran Faseq. – jeung tauhid anu ka tilu anu mantak jadi Syukur, jadi tawekal, jadi sabar , jadi ikhlas, jadi Ridho kana takqdir pangeran.

Ari tauhid anu ka opat eta henteu wajib di pelajari..  tauhid ka opat mutlak anugrah paparin ti gusti Alloh kalawan Ilham.

FASLUN

RINCIAN TAUHID ANU KA DUA

Ari tauhid anu bagian  ka dua : Tauhid I'tikad -  nyeta tekad dina hate nganyahukeun jeung narima kana eusina anu aya dina dua kaliamah Syahadat.

Ari ma'na anu dikandung ku dua kalimah syahadat : nyeta Sifat –sifat gusti Alloh jeung sifat sifat para Rosul.

Ari sifat sifat gusti Alloh eta kabagi dua bagian :

Ka hiji sifat gusti Alloh anu dicarioskeun dina Al Qur'an henteu kalawan rinci, eta hentau wajib apal henteu wajib dikanyahukeun sacara rinci, ngan wajib apal sakabeh jalma mukallaf jeung wajib narima sacara gamlang , tegesna wajib apal jeung narima yen gusti Alloh kasifatan ku sakabaeh sifat sampurna, mustahil gusti Alloh kasifatan ku sifat-sifat kakurangan.

Ka dua sifat-sifat gusti Alloh anu dicarioskeun dina Al Qur'an kalawan rinci, eata wajib kasakabeh jalma mukallaf afalna kalawan rinci jeung dalil-dalilna tegesna jeung tanda-tanda buktina.

Ari hartina mukallaf dina kawajiban Tauhid nyaeta sakur sakur jalma anu cumpon opat perkara :

Ka hiji baleg

Ka dua boga aqal

Ka tilu sehat pang dengena

Ka opat dugi penjelasan agama ka daerahna

Ari sifat sifat gusti Alloh anu diperinci dina Al Qur'an eta kabagi tilu bagian :

Ka hiji Sifat anu wajib di Alloh jumlahna aya 20

Ka dua sifat anu Mustahil di Alloh 20 lalawanan sifat anu wajib

Ka tilu sifat anu ja'iz di alloh nyaeta sifat anu wenang di Alloh aya hiji.

Jadi jumlah opat puluh Hiji sadayana

Ari sifat sifat Para Rosul eta kabagi tilu bagian :

Ka Hiji sifat anu wajib di para Rosul eta aya 4

Ka dua sifat anu mustahil di para Rosul eta aya 4 lalawanan nana sifat wajib

Ka tilu sifat anu wenang di para Rosul eta aya hiji

Jadi jumlah salapan – ditambah 41 sifat gusti Alloh jadi jumlah lima puluh I'tikad tegesna lima puluh aqo'id

FASLUN :

Ari anu dimaksud ku bahasa wajib dina sifat sifat gusti Alloh eta wajib aqli – lantaran wajib kabagi tilu bagian :

Ka hiji wajib A'qli : - ari hartina wajib Aqli : nyaeta sakur sakur perkara anu kaharti ku Aqal ayana teu kaharti ku aqal euweuhna. – contona seperti ngartina aqal jeung narima kana yen setiap benda butuh ruang kosong – aqkal teu narima lamun aya hiji benda nuteu butuh kana ruang kosong.

Ari Mustahil eta sakur sakur perkara anu kaharti ku Aqal euweuhna teu kaharti ku Aqala ayana, sabalikna Wajib Aqli : Contona : saperti Benda teu butuh ruang kosong , atawa saperti Benda anu henteu gerak bari henteu cicing sakaligus.

Ka dua Wajib anu disebut wajib Syar'I : nyaeta sgala rupa perkara lamun di pigawe di ganjar lamun di tinggalkeun disiksa.

Ka tilu wajib anu disebut wajib Shona'I : nyaeta sagala rupa perkara anu kdu di pigawe dina hiji perkara lamun henteu di pigawe mangka eta paraka moal bener .. saperti masak sayur wajib make uyah .. hartina lamun teu make Uyah moal ngunah.

FASLUN :

Rincian Sifat sifat anu wajib jeung anu mustahil di Alloh :

Kahiji sifat wujud – tegesna gusti Alloh wajib Wujud

Ari hartina gusti Alloh wajib wujud eta teu kaharti ku aqal lamun gusti Alloh henteu wujud.

Ari hartina Wujud Alloh nyaeta aya Alloh

Ari lalawanan nana Wujud Alloh tegesna lalwanan nana aya Alloh :  eta " Adamu lloh " hartina teuaya Alloh.

Teuaya Alloh iyeu sifat anu mustahil di Alloh , hartina sifat anu teu kaharti ku Aqal – tegesna teu kaharti ku Aqal gusti Alloh henteu aya.

Naon dalilna atawa tanda buktina yen gusti Alloh aya ? – euh ari anu jadi dalil atawa tanda buktina kana ayana gusti Alloh nyaeta iyeu alam dunya jeung saeusina.

Naon sababna alam dunya jeung saeusina anu matak jadi tanda bukti kana ayana gusti Alloh ? – euh nyaeta ari alam dunya jeung saeusina eta kabehan nana asalna henteu aya – ari anu asalna henteu aya, kari kari jadi aya eta pasti aya anu ngayakeun nana tegesna aya anu ngadamelna.

Naon dalilna atawa naon tanda buktina anu ngajadikeun mere nyahu kana yen alam dunya jeung saeusina asalna euweuh ? euh nyaeta alam dunya jeung saeusina kanyahuan kabehan nana zdatiahna osok robah-robah , ari anu zdatiahna sok robah robah kabeh oge asalna euweuh :

Conto ka Hiji : awak urang sorangan zdatiahna sok robah robah , tina asla leutik jadi gede, tina sehat kana gering tina gering kana sehat , tina nyaring kana sare tina sare kana nyaring : kabuktian awak urang asalna euweuh.

Conto kadua : tatangkalan , tina leutik kana gede, jeung sajabana , kabuktian tatangkalan eta asalna euweuh.

Katerangan patokan : naon waee perkara anu kanyahuan sarua sifat zdatiahna maka hakekatna oge sarua , satiap perkara anu sifat zdatiahna robah robah maka asalna eta perkara teh euweuh – ngan aya anu anyar anyar ayana muncul tina euweuh – aya anu heubeul muncul tina euweuh na saperti panon poe jeung eusi jagat raya anu lainna eta kabeh asal na euweuh lantaran sifat zdatiah kabehan nana robah robah.